ஷேன் சாதனை சமன்

* டெஸ்ட் போட்டிகளில் ஒரு இன்னிங்சில் 5 விக்கெட் கைப்பற்றும் சாதனையை 37வது முறையாக நிகழ்த்தியுள்ள அஷ்வின், ஆஸ்திரேலியாவின் ஷேன் வார்ன் சாதனையை சமன் செய்து 2வது இடத்தை பகிர்ந்துகொண்டுள்ளார். இந்த வரிசையில் இலங்கையின் முத்தையா முரளிதரன் (67 முறை) முதலிடம் வகிக்கிறார்.

* டெஸ்ட் போட்டிகளில் அதிக சதம் விளாசிய இந்திய விக்கெட் கீப்பர்கள் வரிசையில் எம்.எஸ்.தோனியின் சாதனையை (6 சதம்) சமன் செய்துள்ள ரிஷப் பன்ட் அவருடன் முதலிடத்தை பகிர்ந்துகொண்டுள்ளார்.

* டெஸ்டில் 5+ விக்கெட் வீழ்த்திய மூத்த இந்திய வீரர் என்ற பெருமை அஷ்வின் (38 வயது, 2 நாள்) வசமாகியுள்ளது. முன்னதாக, பாகிஸ்தானுக்கு எதிராக 1955ல் பெஷாவரில் நடந்த டெஸ்டில் வினூ மன்கட் (37 வயது, 306 நாள்) இந்த சாதனையை நிகழ்த்தியிருந்தார்.

* ஒரே மைதானத்தில் சதம் + 5 விக்கெட் எடுக்கும் சாதனையை 2 முறை நிகழ்த்திய ஒரே வீரர் என்ற பெருமையும் அஷ்வினுக்கு கிடைத்துள்ளது. 2021ல் இங்கிலாந்துக்கு எதிராக சேப்பாக்கத்தில் நடந்த டெஸ்டிலும் அவர் இப்படி ஆல் ரவுண்டராக அசத்தியிருந்தார்.

* ஒரே டெஸ்டில் சதம் + 5 விக்கெட் எடுத்த மிக மூத்த வீரரும் அஷ்வின் தான். முன்னதாக, 1962ல் போர்ட் ஆப் ஸ்பெயினில் வெஸ்ட் இண்டீசுக்கு எதிராக நடந்த டெஸ்டில் இந்தியாவின் போலி உம்ரிகர் 36 வயது, 7 நாளில் இந்த சாதனையை படைத்திருந்தார் (172 ரன் மற்றும் 5 விக்கெட்).

* ஒரே டெஸ்டில் சதம் + 5 விக்கெட் எடுப்பது அஷ்வினுக்கு இது 4வது முறையாகும். இங்கிலாந்தின் இயான் போதம் (5 முறை), அஷ்வின் (4) முதல் 2 இடங்களில் உள்ளனர். சோபர்ஸ், முஷ்டாக் அகமது, ஜாக் காலிஸ், ஷாகிப் அல் ஹசன், ரவீந்திர ஜடேஜா ஆகியோர் (தலா 2 முறை) 3வது இடத்தை பகிர்ந்துகொண்டுள்ளனர்.

* ஒரு டெஸ்டின் 4வது இன்னிங்சில் 5 விக்கெட் எடுப்பது அஷ்வினுக்கு இது 7வது முறையாகும். ஷேன் வார்ன், முரளிதரன், அஷ்வின் 2வது இடத்தை பகிர்ந்துகொண்டுள்ள நிலையில், இலங்கையின் ரங்கனா ஹெராத் (12 முறை) முதலிடத்தில் உள்ளார்.

The post ஷேன் சாதனை சமன் appeared first on Dinakaran.