ஆயுஷ் அமைச்சக செயலருக்கு 5வது முறையாக பதவி நீட்டிப்பு: குஜராத்தை சேர்ந்தவர்

புதுடெல்லி: ஒன்றிய ஆயுஷ் அமைச்சக செயலாளருக்கு மேலும் ஒரு வருடத்திற்கு பதவி நீட்டிக்கப்பட்டுள்ளது.  ஒன்றிய அமைச்சரவையின் நியமனக் குழு ஆயுஷ் அமைச்சகத்தின் செயலாளர் வைத்யா ராஜேஷ் கோடேச்சாவின் பதவிக்காலத்தை, 5வது முறையாக பதவி நீட்டித்துள்ளது.

கோடேச்சா , அடுத்த மாதம் அமைச்சகத்தின் தலைமைப் பொறுப்பில் தனது ஒன்பதாவது தொடர்ச்சியான ஆண்டில் நுழைய உள்ளார். அடுத்த ஆண்டு அவர் பத்தாண்டு காலத்தை கடந்துவிடுவார் என வட்டாரங்கள் தெரிவிக்கின்றன.  குஜராத்தை சேர்ந்த கோடேச்சா சிவில் சர்வீஸ் பிரிவுக்கு வெளியில் இருந்து ஒன்றிய அரசு செயலராக நேரடியாக நியமிக்கப்பட்டவர் என்பது குறிப்பிடத்தக்கது.