பிரெஞ்ச் ஓபன் மகளிர் ஒற்றையர் டென்னிஸ் முதல் சுற்றுப் போட்டியில் நேற்று, ரொமேனியா வீராங்கனை சொரானா கிறிஸ்டீ (36), பிரான்ஸ் வீராங்கனை க்ஸேனியா எப்ரெமோவா (17) உடன் மோதினார். துவக்கம் முதல் அநாயாசமாக ஆடி புள்ளிகளை குவித்த கிறிஸ்டீ, முதல் செட்டை 6-3 என்ற புள்ளிக் கணக்கில் கைப்பற்றினார். தொடர்ந்து நடந்த 2வது செட்டில் அட்டகாசமாக ஆடிய அவர் 6-1 என்ற புள்ளிக்கணக்கில் வென்றார். இதன் மூலம், 2-0 என்ற நேர் செட்களில் வெற்றி வாகை சூடிய அவர் 2வது சுற்றுக்கு தகுதி பெற்றார்.
