சென்னை: சென்னையில் தங்கம் விலை சவரனுக்கு ரூ.1,120 குறைந்து ரூ.1,18,080க்கு விற்பனை செய்யப்படுகிறது. தங்கம் விலை கிராமுக்கு ரூ.140 குறைந்து ரூ.14,760க்கு விற்கப்படுகிறது. சில்லறை வர்தகத்தில் வெள்ளியின் விலை கிராமுக்கு ரூ.10 குறைந்து ஒரு கிராம் ரூ.280க்கு விறபனையாகிறது
இஸ்ரேல் – ஈரான் போர் பதற்றத்தால் பங்குசந்தைகள் வீழ்ச்சியடைந்து வருகின்றன. இதனால் வரலாற்றிலேயே முதல் முறையாக மார்ச் 1ஆம் தேதியான ஞாயிற்றுக்கிழமை தங்கம் விலையில் மாற்றம் செய்யப்பட்டது. தொடர்ந்து ஏற்ற இறக்கத்தை சந்தித்து வரும் தங்கம் விலை கடந்த 2-3 நாட்களாக குறைந்து வருகிறது
நேற்றைய நிலவரப்படி 22 காரட் தங்கம் விலை கிராமுக்கு ரூ. 70 குறைந்து ஒரு கிராம் ரூ.14,900க்கும் சவரனுக்கு ரூ.560 குறைந்து ஒரு சவரன் ரூ.1,19,200க்கும் விற்பனை செய்யப்பட்டது. தொடர்ந்து இன்றும் தங்கம் விலை குறைந்துள்ளது நகை பிரியர்களிடையே மகிழ்ச்சியை ஏற்படுத்தியுள்ளது.
அதன் படி இன்று 22 காரட் தங்கம் விலை கிராமுக்கு ரூ. 140 குறைந்து ஒரு கிராம் ரூ.14,760க்கும் சவரனுக்கு ரூ.1,120 குறைந்து ஒரு சவரன் ரூ.1,18,080க்கும் விற்பனை செய்யப்படுகிறது. அதே போல, 18 காரட் தங்கம் விலை கிராமுக்கு ரூ.150 குறைந்து ஒரு கிராம் ரூ.12,400க்கும், சவரனுக்கு ரூ.1,200 குறைந்து ஒரு சவரன் ரூ.99,200க்கும் விற்பனை செய்யப்படுகின்றது.வெள்ளி விலையும் கிராமுக்கு ரூ.10 குறைந்து ஒரு கிராம் ரூ.280க்கும், ஒரு கிலோ ரூ.2,80,000க்கும் விற்பனை செய்யப்படுகின்றது
