சீனாவில் கார் விற்பனை சரிவு

ஹாங்காங்:உலகத்திலேயே அதிக கார்கள் விற்பனையாகும் சீனாவில், கடந்த மாதம் 14 லட்சம் கார்கள் விற்பனையாகியுள்ளன. கடந்த ஆண்டு டிசம்பரில் 22 லட்சம் கார்கள் விற்பனையாகின. இதுகுறித்து சீன ஆட்டோமொபைல் உற்பத்தியாளர் சங்கம் கூறுகையில், சீனாவில் பயணிகள் கார் விற்பனை ஜனவரி மாதத்தில் ஒரு வருடத்திற்கு முந்தைய ஆண்டை விட 19.5 % குறைந்துள்ளது என்று தெரிவித்துள்ளது. வாகன உற்பத்தியாளர்கள் விலை போரில் ஈடுபட்டுள்ளதும் விற்பனை சரிவுக்கு காரணம் என்று கூறப்படுகிறது. இதையடுத்து கார் உற்பத்தியாளர்களிடையே விலை போரை கட்டுப்படுத்தும் வகையில் சீன அரசின் ஒழுங்குமுறை ஆணையம், உற்பத்தியாளர்கள், விநியோகஸ்தர்கள் மற்றும் உதிரிபாகங்களை சப்ளை செய்பவர்களுக்கான வழிகாட்டுதல்களை வெளியிட்டுள்ளது. அதன்படி உற்பத்தி செலவை விட கீழே விலைகளை நிர்ணயிப்பதற்கு தடை செய்யப்பட்டுள்ளது. அதை மீறி வாகனங்கள் விற்பனை செய்தால் சட்ட ரீதியான விளைவுகளை எதிர்கொள்ள வேண்டும் என்று எச்சரித்துள்ளது.