ஜூலை 30இல் வெளியாகும் ‘ஸ்பைடர்-மேன் பிராண்ட் நியூ டே’

நான்கு ஆண்டுகளுக்குப் பிறகு வெளியாகும் ‘ஸ்பைடர்-மேன்: பிராண்ட் நியூ டே’ திரைப்படத்தின் புதிய டிரெய்லர் ரசிகர்களிடையே பெரும் வரவேற்பைப் பெற்றுள்ளது. பீட்டர் பார்க்கரின் வாழ்க்கையில் உருவாகும் புதிய சவால்கள், அதிரடி சண்டைக் காட்சிகள் மற்றும் சக்திவாய்ந்த புதிய வில்லன்களை மையமாகக் கொண்டு படம் உருவாகியுள்ளது.

பீட்டர் பார்க்கராக மீண்டும் டாம் ஹாலண்ட் நடித்துள்ள இப்படத்தில் ஜெண்டயா, ஜேக்கப் பட்டலோன், ஜான் பெர்ன்தால், சேடி சிங் உள்ளிட்டோர் முக்கிய கதாபாத்திரங்களில் நடித்துள்ளனர். இயக்குநர் டெஸ்டின் டேனியல் கிரெட்டன் இயக்கியுள்ள இப்படம், ஆங்கிலம், தமிழ், இந்தி, தெலுங்கு, மலையாளம், கன்னடம் ஆகிய மொழிகளில் ஜூலை 30ம் தேதி பல்வேறு தொழில்நுட்ப வடிவங்களில் உலகம் முழுவதும் திரையரங்குகளில் வெளியாகிறது.