டெல்லி: நாடாளுமன்றத்தில் நேற்று நடைபெற்று பாதுகாப்பு மீறல் தொடர்பாக உள்துறை அமைச்சர் அமித் ஷா இரு அவைகளுக்கும் வந்து அறிக்கை அளிக்க வேண்டும் என காங்கிரஸ் தலைவர் கார்கே வலியுறுத்தியுள்ளார். இது தொடர்பாக நாடாளுமன்றத்தில் பேசிய காங்கிரஸ் தலைவர் கார்கே கூறியதாவது: பாராளுமன்றத்தில் நடைபெற்ற பாதுகாப்பு மீறல் மிகவும் தீவிரமான விஷயமாகும். இது குறித்து உள்துறை அமைச்சர் இரு அவைகளுக்கும் வந்து அறிக்கை அளிக்க வேண்டும் என்று கேட்டுக்கொள்கிறோம்.
கேள்வி என்னவென்றால், இவ்வளவு பெரிய பாதுகாப்புப் பிரிவிற்குள் இரண்டு பேர் வந்து, அங்குள்ள ஒரு குப்பியில் இருந்து எப்படி வாயுவை வெளியிட்டார்கள்? தியாகிகள் தினமான இன்று, 22 ஆண்டுகளுக்கு முன்பு நாடாளுமன்றத்தின் மீது தாக்குதல் நடத்திய துணிச்சலான பாதுகாப்புப் படை வீரர்களுக்கு அஞ்சலி செலுத்துகிறோம். அரசாங்கம் இதை மிகவும் தீவிரமாக எடுத்துக் கொள்ளும் என்று நம்புகிறோம், முழு சம்பவம் குறித்தும் முழுமையான விசாரணையை நாங்கள் கோருகிறோம். நாட்டின் ஒற்றுமை மற்றும் ஒருமைப்பாட்டுக்கு நாங்கள் எப்போதும் தயாராக இருக்கிறோம். இவ்வாறு குறிப்பிட்டுள்ளார்.
The post நாடாளுமன்ற தாக்குதல் தொடர்பாக அமித்ஷா விளக்கம் அளிக்க வேண்டும்: காங்கிரஸ் தலைவர் கார்கே வலியுறுத்தல் appeared first on Dinakaran.
