அதன் விவரம் வருமாறு:
* பள்ளிகளில் மின் இணைப்புகளை கண்காணிப்பது, வடிகால்களை சுத்தம் செய்வது, திறந்தவெளி கால்வாய்களை தூர்வாரி மூடுவது, குழிகளை நிரப்புவது, மாணவர்களின் பாதுகாப்புக்கு பாதிப்பு ஏற்படுத்தும் மரங்கள் மரக்கிளைகளை வெட்டி அகற்ற வேண்டும்.
* பள்ளி மேற்கூரைகளில் தண்ணீர் தேங்குவதை கண்காணித்து உடனடியாக அகற்ற நடவடிக்கை எடுக்கவேண்டும். பலவீனமான, பழுதடைந்த கட்டிடங்களை பயன்படுத்துவதை முற்றிலுமாக தவிர்க்க வேண்டும்.
* இடிக்கப்பட வேண்டிய கட்டிடங்களை இடிப்பதற்கான நடவடிக்கை எடுக்க வேண்டும். சிறிய கட்டிடங்கள் இடிக்கப்படவேண்டிய நிலையில் பள்ளி மேலாண்மைக் குழுவின் மூலம் இடிக்க தேவையான நடவடிக்கை எடுக்கலாம்.
* பள்ளி வளாகங்களில் தண்ணீர் தேங்காமல் இருப்பதை உறுதிசெய்யவேண்டும். ஏரி, ஆறு, குளங்களில் மாணவர்கள் சென்று குளிப்பதை தவிர்க்கவும், காட்டாற்று வெள்ளம் ஏற்படும் அபாயமுள்ள நீர்நிலைகளுக்கு அருகே வேடிக்கை பார்க்க அனுமதிக்கக்கூடாது என்பதையும் பெற்றோருக்கு அறிவுரை வழங்க வேண்டும்.
* மாணவர்கள் சைக்கிள்களில் பள்ளிக்கு வரும்போது பாதுகாப்பாக வர அறிவுரைகூறவேண்டும். தொடர்மழை காரணமாக பள்ளியின் சுற்றுச்சுவர் மிகுந்த ஈரப்பதத்துடன் காணப்படலாம். எனவே சுற்றுச்சுவர் உறுதித்தன்மையை கண்காணிக்க வேண்டும். பழுதடைந்துள்ள சுற்றுச்சுவர் பகுதிகளை சுற்றி வேலி அல்லது தடுப்புகளை ஏற்படுத்திடவேண்டும்.
* மின் இணைப்புகள் சரியாக உள்ளனவா? மின்கசிவு, மின்சுற்று கோளாறுகள் ஏதேனும் உள்ளனவா? என்பதை ஆய்வுசெய்து பாதுகாப்பை உறுதிப்படுத்த வேண்டும்.
* பள்ளி வளாகத்தில் உள்ள நீர்த்தேக்க பள்ளங்கள், திறந்தவெளி கிணறுகள், கழிவுநீர் தொட்டி, தரைமட்ட நீர்த்தேக்க தொட்டிகள் இருக்கும் பட்சத்தில் அவை மூடியநிலையில் இருக்கிறதா என உறுதி செய்யவேண்டும்.
* பருவகால மாற்றங்களால் மாணவர்களுக்கு ஏற்படக்கூடிய நோய்களில் (டெங்கு, சிக்குன்குனியா உள்ளிட்ட) இருந்து பாதுகத்துக் கொள்வதற்கான தேவையான அறிவுரைகள் வழங்குவதுடன் நடவடிக்கைகளும் எடுக்கவேண்டும்.
The post தொடங்க உள்ள வடகிழக்கு பருவமழை பள்ளிகளில் முன்னெச்சரிக்கை நடவடிக்கைகள் மேற்கொள்ள வேண்டும்: பள்ளிக் கல்வித்துறை அறிவுறுத்தல் appeared first on Dinakaran.