பென்னாகரம் வந்த மேற்கு மாவட்ட பொறுப்பாளர் இன்பசேகரனுக்கு வரவேற்பு

பென்னாகரம், நவ.3: தர்மபுரி மாவட்ட திமுக, நிர்வாக காரணங்களுக்காகவும், கட்சி பணிகளை சிறப்பாக மேற்கொள்ளவும் 2 ஆக பிரிக்கப்பட்டு, தர்மபுரி மேற்கு மாவட்டம் உருவாக்கப்பட்டது. புதிதாக உருவாக்கப்பட்டுள்ள மேற்கு மாவட்ட பொறுப்பாளராக பி.என்.பி இன்பசேகரன் எம்எல்ஏ நியமிக்கப்பட்டுள்ளார். மேலும் கட்சி பணிகளை சிறப்பாக மேற்கொள்ள மாதையன், சூடப்பட்டி சுப்பிரமணி, மணி, காளியப்பன், துரைசாமி, ராஜகுமாரி, மணிவண்ணன் ஆகியோர் மாவட்ட பொறுப்புக் குழு உறுப்பினர்களாக நியமிக்கப்பட்டுள்ளனர்.மேற்கு மாவட்ட திமுக பொறுப்பாளராக நியமிக்கப்பட்டு, நேற்று மேற்கு மாவட்டத்திற்கு முதல்முறையாக வருகை புரிந்த மாவட்ட பொறுப்பாளர் இன்பசேகரனுக்கு, காரிமங்கலம் எல்லையில் உற்சாக வரவேற்பு அளிக்கப்பட்டது. தொடர்ந்து தர்மபுரி நகரில் உள்ள பெரியார், அண்ணா சிலைகளுக்கு மாலை அணிவித்து மரியாதை செலுத்தினார். பின்னர், பருவதனஅள்ளியில் உள்ள முன்னாள் எம்எல்ஏவும், அவரது தந்தையுமான பி.என்.பெரியண்ணன் நினைவிடத்தில் மலர் வளையம் வைத்து மரியாதை செலுத்தினார். பின்னர், அம்பேத்கர், பெரியார் சிலைகளுக்கு மாலை அணிவித்து மரியாதை செலுத்தினார்.

இந்நிகழ்ச்சிகளில் ஏரியூர் ஒன்றிய செயலாளர் மாவட்ட கவுன்சிலர் செல்வராஜ், நகர செயலாளர் வீரமணி, மேற்கு மாவட்ட பொறுப்புக் குழு உறுப்பினர் காளியப்பன், ஒன்றிய பொருளாளர் மடம் முருகேசன், தன்டாளன், சுரேஷ், பொறுப்புக் குழு உறுப்பினர் பி.கே துரைசாமி, மாவட்ட மீனவர் அணி துணை அமைப்பாளர் காளியப்பன், மாவட்ட பிரதிநிதி சிவக்குமார், பூவண்ணன், அன்பழகன், பவுன்ராஜ், யாரப்ஜான், கமலேசன், விஜய்முனுசாமி, வையாபுரி, முனிராஜ், மாதையகவுண்டர், ரமேஷ், முத்துராஜ், சரவணன், செட்டி, முருகன், கோவிந்தராஜ், குமார், ஆசி தனபால் உள்ளிட்ட கட்சி முக்கிய நிர்வாகிகளும் ஜானகி அம்மாள், தமிழ் ஆசிரியர் முனியப்பன், மோகனா முனியப்பன், டாக்டர் ராஜசேகர், மணிமேகலை பெருமாள் உள்ளிட்ட குடும்பத்தினரும் கலந்து கொண்டனர்.

Related Stories:

>