மத்திய அரசை கண்டித்து மாணவர் சங்கம் ஆர்ப்பாட்டம்

கும்மிடிப்பூண்டி, நவ.1:  மத்திய அரசை கண்டித்து இந்திய மாணவர் சங்கத்தினர் கும்மிடிப்பூண்டி பேருந்து நிலையம் முன்பு கண்டன ஆர்ப்பாட்டத்தில் ஈடுபட்டனர்.அண்ணா பல்கலைக்கழகத்தில் அறிஞர் அண்ணாவின் பெயரை நீக்க கூடாது. அண்ணா பல்கலைக்கழகத்தை  மத்திய அரசுக்கு தாரைவார்க்க கூடாது. தான் தோன்றித்தனமாக செயல்படும் அண்ணா பல்கலைக்கழக துணைவேந்தர்  சூரப்பாவை பதவி நீக்கம் செய்ய வேண்டும். அண்ணா பல்கலைக்கழகத்தை இரண்டாக பிரிக்கும் முடிவை கைவிடவேண்டும் என்பது உள்ளிட்ட பல்வேறு கோரிக்கைகளை வலியுறுத்தி இதனை செயல்படுத்த தவறிய மத்திய அரசை  கண்டித்து கும்மிடிப்பூண்டி பேருந்து நிலையத்தில் இந்திய மாணவர் சங்கத்தினர் கண்டன ஆர்ப்பாட்டத்தில் ஈடுபட்டனர்.

இந்த ஆர்ப்பாட்டத்தில் இந்திய மாணவர் சங்க மாவட்ட செயலாளர் வசந்த் பௌத்தா, மாவட்ட செயற்குழு உறுப்பினர் ஆர்.ஜெயக்குமார், மாவட்ட துணை செயலாளர் டி.மதன்குமார் ஆகியோர் முன்னிலை வகித்தனர்.  இந்திய ஜனநாயக வாலிபர் சங்க நிர்வாகி லோகநாதன் சிறப்பு அழைப்பாளராக  பங்கேற்று கண்டன உரையாற்றினார்.   

Related Stories:

>