வரதராஜப்பெருமாள் கோயிலில் நவராத்திரி விழா

புதுக்கோட்டை, அக்.20: புதுக்கோட்டை  வரதராஜப்பெருமாள் கோயிலில் நவராத்திரி விழா கோலாகலத்துடன் நடைபெற்றது. நவராத்திரியை முன்னிட்டு கோயிலில் மூலவர்  வரதராஜப்பெருமாள் .அலமேலு மங்கை தாயார், சக்கரத்தாழ்வார் சுவாமிகளுக்கு அபிஷேகங்களுடன் சிறப்பு தீபாராதனை நடைபெற்றது. மாலையில் அலமேலு மங்கைதாயார் சந்தனக்காப்பு மலர் அலங்காரத்திலும் மூலவர்  வரதராஜப்பெருமாள், தாயார் தேவி,பூதேவி மலர் அலங்காரத்திலும் பக்தர்களுக்கு அருள்பாலித்தனர். நவராத்திரி விழாவில் உபயதாரர்கள், சிறுவர்கள், பெரியவர்கள், பக்தர்கள் கலந்து கொண்டனர். பொன்னமராவதி: பொன்ன மராவதி அருகே வேகுபட்டி கல்யாண வெங்கடேஸ்வர கோயிலில் நவராத்திரியை முன்னிட்டு கொலு வைத்து வழிபாடு நடந்தது. நவரத்திரி விழா தொடங்கப்பட்டு கோயிலில் கொலு வைக்கப்பட்டுள்ளது. இதில் தினசரி சிறப்பு வழிபாடு நடைபெற்று வருகின்றது. பக்தர்கள் கலந்து கொண்டு தரிசனம் செய்தனர்.