என்எம்எம்எஸ் விடைக்குறியீடு இன்று வெளியீடு

சிவகங்கை, மார்ச். 4: தேசிய வருவாய் வழி மற்றும் திறன் படிப்பு உதவித்தொகை தேர்விற்கான (என்எம்எம்எஸ்) தற்காலிக விடைக்குறியீடு இன்று (மார்ச் 4) வெளியிடப்பட உள்ளதாக அறிவிக்கப்பட்டுள்ளது. இதுகறித்து அரசு தேர்வுகள் இயக்ககம் சார்பில் தெரிவிக்கப்பட்டுள்ளதாவது: கடந்த 15.12.2019ல் நடந்து முடிந்த 2019ம் ஆண்டிற்கான தேசிய வருவாய் வழி மற்றும் திறன் படிப்புதவித் தொகை தேர்விற்கான தற்காலிக விடைக்குறியீடு இன்று www.dge.tn.gov.in என்ற இணையதளத்தில் வெளியிடப்பட உள்ளது.

இவ்விடைகள் தொடர்பாக மாணவர்கள் மற்றும் பெற்றோர்களுக்கு மாற்றுக்கருத்துகள் இருப்பின் அவற்றை 10.03.2020க்குள் ntsexam2019@gmail.com என்ற மின்னஞ்சல் முகவரிக்கு உரிய ஆதாரத்துடன் தெரியப்படுத்தலாம். இவ்வாறு தெரிவிக்கப்பட்டுள்ளது.