ெபாதுமக்கள் கோரிக்கை வள்ளலார் தினம் டாஸ்மாக் கடைகளுக்கு 8ம் தேதி விடுமுறை

திருவாரூர், பிப்.6: வள்ளலார் தினத்தை முன்னிட்டுதிருவாரூர் மாவட்டத்தில் உள்ள மதுபான கடைகளுக்கு நாளை மறுதினம் விடுமுறை அளிக்கப்பட்டுள்ளதாக கலெக்டர் ஆனந்த் தெரிவித்துள்ளார். இதுகுறித்து அவர் வெளியிட்டுள்ள செய்தி குறிப்பில் கூறியிருப்பதாவது, நாளை மறுதினம் (8ம்தேதி) வள்ளலார் நினைவு தினத்தையொட்டி திருவாரூர் மாவட்டத்திலுள்ள அனைத்து சில்லறை அரசு மதுபான கடைகள் மற்றும் அதனை சார்ந்துள்ள தின்பண்டங்களுக்கு விடுமுறை அளிக்கப்பட்டுள்ளது. மேலும் எப்.எல் 2 மற்றும் எப்.எல் 3 உரிமம் பெற்ற மதுக் கூடங்களும் விடுமுறை அளிக்கப்பட்டுள்ள நிலையில் இந்த நாட்களில் மதுபானங்கள் விற்கப்படுவது கண்டுபிடிக்கப்பட்டால் இது குறித்து உரிய நடவடிக்கை மேற்கொள்ளப்படும். இவ்வாறு கலெக்டர் ஆனந்த் தெரிவித்துள்ளார்.