உள்ளாட்சி தேர்தலில் போட்டியிட விருப்பமனு

ஊட்டி, டிச. 1: நீலகிரி மாவட்டத்தில் உள்ளாட்சி தேர்தலில் திமுக., சார்பில் போட்டியிட விருப்பமனு அளித்தவர்களிடம் வரும் 3ம் தேதி முதல் 5ம் தேதி வரை நேர் காணல் நடக்கிறது. நீலகிரி மாவட்ட செயலாளர் முபாரக் கூறியிருப்பதாவது: நீலகிரி மாவட்டத்தில் உள்ளாட்சி தேர்தலில் மாவட்ட ஊராட்சி குழு, ஊராட்சி ஒன்றிய குழு, நகராட்சி, பேரூராட்சி மன்ற உறுப்பினர் மற்றும் ஊராட்சி மன்ற தலைவர் ஆகிய பொறுப்புகளுக்கு போட்டியிட விருப்பமனு அளித்த திமுக., வினரிடம் வரும் 3, 4, 5 ஆகிய மூன்று நாட்கள் ஊட்டியில் உள்ள மாவட்ட அலுவலகமான கலைஞர் அறிவாலயத்தில் நேர்காணல் நடைபெற உள்ளது. இந்த பொறுப்புகளுக்கு விண்ணப்பித்துள்ள திமுக.,வினர் அனைவரும் தவறாமல் நேர்காணலில் கலந்து கொள்ள வேண்டும். 3ம் தேதி செவ்வாய் கிழமை காலை 11 மணிக்கு ஊட்டி நகரத்திற்கும், 12 மணிக்கு குன்னூர் நகரம், மதியம் 1 மணிக்கு கூடலூர் நகரம் மற்றும் 2 மணிக்கு நெல்லியாளம் நகரத்திற்குட்பட்டவர்களுக்கு நேர் காணல் நடக்கிறது.