பிரசவ வலியால் துடித்த கர்ப்பிணியை மருத்துவமனையில் சேர்த்த மருத்துவ குழுவினர் வட்டார மருத்துவ அலுவலர் பாராட்டு

கலசபாக்கம், நவ.27: கலசபாக்கம் அருகே பிரசவ வலியால் துடித்த கர்ப்பிணியை மீட்டு மருத்துவமனையில் சேர்த்த நடமாடும் மருத்துவக் குழுவினரை வட்டார மருத்துவ அலுவலர் பாராட்டினர்.கலசபாக்கம் அடுத்த கடலாடி மேம்படுத்தப்பட்ட ஆரம்ப சுகாதார நிலையத்தில் நடமாடும் மருத்துவக்குழுவினர் கலசபாக்கம் அடுத்த பல்வேறு கிராமங்களில் முகாமிட்டு சிகிச்சை அளித்து வருகின்றனர்.இந்நிலையில், நேற்று முன்தினம் லாடவரம் கிராமத்தில் நடமாடும் மருத்துவக் குழுவினர் சிகிச்சை அளிக்க வந்தனர். அப்போது, அதே கிராமத்தை சேர்ந்த ஷீலா(23) பிரசவ வலியால் துடித்தார். தகவல் அறிந்த மருத்துவக் குழுவினர் உடனடியாக அவரை கலசபாக்கம் அரசு மருத்துவமனையில் சேர்த்தனர்.

பின்னர், மேல் சிகிச்சைக்காக திருவண்ணாமலை அரசு மருத்துவக்கல்லூரி மருத்துவமனையில் சேர்த்தனர். இரவு அங்கு அவருக்கு பெண் குழந்தை பிறந்தது. உரிய நேரத்தில் நடமாடும் மருத்துவக் குழுவினர் மருத்துவமனையில் சேர்த்தற்கு வட்டார மருத்துவ அலுவலர் மணிகண்டபிரபு மற்றும் அப்பகுதி மக்கள் பாராட்டினர்.

Tags : Regional Medical Officer ,team ,
× RELATED கைப்பந்து போட்டி பெங்களூர் அணி வெற்றி