நாகை, அக்.24: நாகை மாவட்ட விளையாட்டரங்கில் நாளை (25ம் தேதி) மாதாந்திர விளையாட்டு போட்டிகள் நடைபெறும் என்று கலெக்டர் பிரவீன் பி நாயர் தெரிவித்துள்ளார். நாகை மாவட்ட விளையாட்டரங்கில் மாதாந்திர விளையாட்டு போட்டிகள் நாளை காலை 9 மணி தொடங்குகிறது. தடகளம், கூடைப்பந்து, நீச்சல் ஆகிய போட்டிகள் 12ம் வகுப்பு வரை பயிலும் மாணவ, மாணவிகளுக்கு தனித்தனியாக நடத்தப்பட உள்ளது. மாணவர்களுக்கான தடகள போட்டிகள் 100மீ, 800மீ, 1500மீ, நீளம் தாண்டுதல், உயரம் தாண்டுதல், குண்டு எறிதல் மற்றும் வட்டு எறிதல் ஆகிய போட்டிகளும், மாணவிகளுக்கான தடகள போட்டிகள் 100மீ, 400மீ, 1500மீ, நீளம் தாண்டுதல், உயரம் தாண்டுதல், குண்டு எறிதல் மற்றும் வட்டு எறிதல் ஆகிய போட்டிகளும் நடத்தப்படும். நீச்சல் போட்டிகள் 50மீ, 100மீ, 200மீ, 400மீ ஃபிரி ஸ்டைல், 50மீ பேக் ஸ்ட்ரோக். 50மீ பிரஸ்ட் ஸ்ட்ரோக், 50மீ பட்டர் ஃபிளை ஸ்ட்ரோக், 200மீ ஐ.எம். ஆகிய போட்டிகள் மாணவ, மாணவிகளுக்கு தனித்தனியாக நடத்தப்படும்.
தடகளம் மற்றும் நீச்சல் போட்டிகளில் முதல் மூன்று இடங்களை பெறுபவர்களுக்கும், கூடைப்பந்து போட்டியில் முதல் இரண்டு இடங்களை பெறுபவர்களுக்கும் பரிசுகள் மற்றும் சான்றிதழ்கள் வழங்கப்படும். எனவே நாகை மாவட்டத்தை சார்ந்த 12ம் வகுப்பு வரை பயிலும் அனைத்து மாணவ, மாணவிகளும் கலந்து கொள்ளவும் என்று தெரிவித்துள்ளர்.
நாகை விளையாட்டரங்கில் நாளை மாதாந்திர விளையாட்டு போட்டிகள் 12ம் வகுப்பு மாணவர் வரை பங்கேற்கலாம்
05:41 am Oct 24, 2019 |
