புழல், அக்.1: செங்குன்றம் அடுத்த நல்லூர் சுங்கச்சாவடியில் 10க்கும் மேற்பட்ட நுழை வாயில் உள்ளது. இதன் வழியாக தினசரி ஆயிரக்கணக்கான வாகனங்கள் சென்று வருகின்றன. இந்நிலையில், நேற்று முன்தினம் அதிகாலை 3 மணியளவில் தண்ணீர் கேன் ஏற்றிக் கொண்டு மினி வேன் ஒன்று வந்தது. டிரைவரிடம் கட்டணம் செலுத்துமாறு சுங்கவாடி ஊழியர்கள் கூறியுள்ளனர். ஆனால், தங்களிடம் பாஸ் இருப்பதாக வேன் ஓட்டுநர் கூறினார்.
சந்தேகமடைந்த ஊழியர்கள் வேனை சோதனை செய்தனர். இதில், வெவ்வேறு எண்களில் 6 நம்பர் பிளேட்கள் இருப்பது தெரிய வந்தது.இதுகுறித்த புகாரின்பேரில் வந்த சோழவரம் போலீசார், போலி நம்பர் பிளேட்டுகள் எடுத்து வந்ட வேனை பறிமுதல் செய்தனர். ேமலும், வேன் ஓட்டுநர் சுரேந்தர், சுரேஷ், கார்த்திக் ஆகியோரை கைது செய்து விசாரித்து வருகின்றனர்.
நல்லூர் சுங்கச்சாவடியில் சோதனை போலி நம்பர் பிளேட் எடுத்து வந்த வேன் பறிமுதல் : டிரைவர் உள்பட 3 பேரிடம் விசாரணை
12:25 am Oct 01, 2019 |
