சாயர்புரத்தில் ஜியு போப் 200வது பிறந்த தின விழா

தூத்துக்குடி, ஏப்.25: சாயர்புரத்தில் நடந்த ஜி.யு.போப் 200வது ஆண்டு பிறந்த தினவிழாவில் பேராயர் தேவசகாயம் கலந்து கொண்டார். ஜி.யு. போப் 200வது பிறந்த தினவிழா சாயர்புரத்தில் உள்ள போப் கல்வியியல் கல்லூரி வளாகத்தில் கொண்டாடப்பட்டது.  தூத்துக்குடி-நாசரேத் திருமண்டல பேராயர் தேவசகாயம் தலைமை வகித்தார். சாயர்புரம் சேகரத்தலைவர் குரோவ்ஸ் பர்னபாஸ் ஆரம்ப ஜெபம் செய்தார். போப் கல்வியியல் கல்லூரி தாளாளர் கிறிஸ்டோபெல் ஆனந்த் வரவேற்றார். சாயர்புரத்தைச் சேர்ந்த ஜேக்கப் ராஜன், ஜி.யு. போப் குறித்து பேசினார். கல்லூரி மாணவ, மாணவிகளின் கலைநிகழ்ச்சிகள் நடைபெற்றன. விழாவில் போப் கல்வியியல் கல்லூரியில் பல்கலைக்கழக தேர்வில் முதல் மூன்று இடங்களைப் பிடித்த மாணவர்களுக்கு போப் பொறியியல் கல்லூரி தாளாளரும், தூத்துக்குடி தெற்கு மாவட்ட திமுக சிறுபான்மைப் பிரிவு துணை அமைப்பாளருமான ராஜேஷ் ரவிசந்தரின் தந்தை ராஜாமணி நினைவாக வழங்கப்படும் தங்கப்பதக்கங்களை நார்வே பேராசிரியர் டேனியல் கருணாகரன் வழங்கினார்.

கல்லூரி முதல்வர் உமா சித்ரா நன்றி கூறினார். தொடர்ந்து சாயர்புரத்தில் தூய ரபாயேல் மருத்துவமனையில் 15 படுக்கைவசதியுடன் புதிய வார்டு அமைக்கப்பட்டுள்ளது. இந்த புதிய வார்டினை தூத்துக்குடி-நாசரேத் திருமண்டல பேராயர் தேவசகாயம் திறந்து வைத்து ஆசீர்வதித்தார். விழாவில், தூத்துக்குடி-நாசரேத் திருமண்டலத்திற்குட்பட்ட குருமார்கள், செயற்குழு உறுப்பினர்கள், திருமண்டல பெருமன்ற உறுப்பினர்கள், சேகர மன்ற உறுப்பினர்கள், கல்வி நிறுவனங்களின் முதல்வர்கள், தலைமை ஆசிரியர்கள், தாளாளர்கள் மற்றும் சபை மக்கள் திரளாக கலந்து கொண்டனர். ஏற்பாடுகளை சாயர்புரம் சேகரத்தலைவர் குரோவ்ஸ் பர்னபாஸ், திருமண்டல செயற்குழு உறுப்பினர் ராஜேஷ் ரவிசந்தர், நார்வே பேராசிரியர் டாக்டர் டேனியல் கருணாகரன், சாயர்புரம் சேகர திருமண்டல பெருமன்ற உறுப்பினர்கள், சேகர மன்ற உறுப்பினர்கள், போப் கல்வியியல் கல்லூரி பேராசிரியர்கள் ஆகியோர் செய்திருந்தனர்.