பேராவூரணி அருகே மேலும் 2 கூரை வீடுகள் எரிந்து சாம்பல்

பேராவூரணி, ஏப். 9: பேராவூரணி அருகே உள்ள களத்தூர் கவரத் தெருவில் கடந்த 4ம் தேதி பார்வதி என்பருக்கு சொந்தமான கூரை வீடு மர்மமான முறையில் எரிந்து சாம்பலானது. கடந்த 7ம் தேதி இதே தெருவை சேர்ந்த ரவிச்சந்திரன், முத்துராமலிங்கம் ஆகியோருக்கு சொந்தமான 2 கூரை வீடுகளும் எரிந்து நாசமானது.

இந்நிலையில் நேற்று மதியம் இதே தெருவை சேர்ந்த ராணி, பாக்கியம் ஆகியோருக்கு சொந்தமான 2 கூரை வீடுகள் தீயில் எரிந்து சாம்பலானது. பேராவூரணி தீயணைப்பு துறையினர் சம்பவ இடத்துக்கு சென்று தீ மேலும் பரவாமல் அணைத்தனர். இந்த பகுதியில் மர்மமான முறையில் தீவிபத்து நடந்து வருவதால் போலீஸ் பாதுகாப்பு போடப்பட்டுள்ளது. மேலும் போலீசார் விசாரணை நடத்தி வருகின்றனர்.