நீடாமங்கலம் தாலுகா அலுவலகம் அருகில் தீயணைப்பு நிலையம் செயல்பட நடவடிக்கை எடுக்க வேண்டும் மக்கள் வலியுறுத்தல்

நீடாமங்கலம்,பிப்.20: நீடாமங்கலத்தில் உள்ள தீயணைப்பு நிலையத்தை வேறு இடத்திற்கு மாற்றாமல் தாலுகா அலுவலகம் அருகிலேயே செயல்பட கலெக்டர் நடவடிக்கை எடுக்க வேண்டுமென பொது மக்கள் கோரிக்கை விடுத்துள்ளனர். திருவாரூர்  மாவட்டம் நீடாமங்கலம் தீயணைப்பு நிலையம் கடந்த 40 ஆண்டுகளுக்கு முன் வெண்ணாறு லயன்கரை அருகில் தற்போது உள்ள உழவர் சந்தையில் இயங்கியது.அதன் பிறகு பழைய தாலுகா அலுவலகம் அருகில் உள்ள சத்திரம் கட்டிடத்திலும்,பிறகு கீழராஜவீதி சிவன் கோயில் அருகிலும்,அதன் பிறகு தற்போது கொத்தமங்கலம் சாலையிலும்  தீயணைப்பு நிலையத்திற்கு நிரந்தர கட்டிடம் இல்லாமலேயே வாடகை கட்டிடத்தில் இயங்கி வருகிறது.ஆனால் தற்போதைய வாடகை கட்டிடத்திற்கு ரூ.12,500 மாத வாடகை கொடுப்பதாக கூறப்படுகிறது. இந்லையில் வாடகை வீட்டு உரிமையாளர் இடத்தை காலி செய்ய வேண்டும் என்றதால் எங்கு செல்வது என தீயணைப்பு வீரர்கள் விரக்தியடைந்துள்ளனர்.