விபத்தில் மூதாட்டி பலி

வேப்பூர், பிப். 15:வேப்பூர் அடுத்த மதுரவள்ளி கிராமத்தை சேர்ந்தவர் கருப்பன். இவரது மனைவி நீலாவதி(72). இவர் நேற்று முன்தினம் மாலை மாரியம்மன் கோயில் மேடை அருகே நின்று கொண்டிருந்தார். அப்போது, மாதுளை பழங்களை விற்பனை செய்து கொண்டு வந்த    சரக்கு வாகனம், எதிர்பாராத விதமாக அவர் மீது மோதியது. இதில், படுகாயமடைந்த நீலாவதியை அக்கம்பக்கத்தினர் மீட்டு விருத்தாசலம் அரசு மருத்துவமனையில் சிகிச்சைக்காக சேர்த்தனர். அங்கு அவர் இறந்தார்.இதுகுறித்து வேப்பூர் போலீசார் வழக்கு பதிந்து விசாரணை நடத்தி வருகின்றனர்.