சிறுபான்மை இன மக்களின் தொழில் வளர்ச்சிக்கான ஆலோசனை கூட்டம்

சேலம், அக்.17: சென்னை சேப்பாக்கத்தில் உள்ள சிறுபான்மை இன மக்களின் தொழில் வளர்ச்சிக்கான ஆலோசனை கூட்டம் ஆணையர் தலைமையில் நடைபெற்றது. கூட்டத்தில் அனைத்து மாவட்டங்களிலும் உள்ள முஸ்லிம் மகளிர் உதவி சங்கங்களின் செயல்பாடு குறித்து ஆலோசிக்கப்பட்டது. மாநில ஆணையர் வள்ளலார் தலைமை வகித்து பேசினார். அப்போது, ஒரே மாதிரியான புதிய கொள்கை வழியில் மகளிர் சங்கங்கள் வளர்ச்சிக்கு புதிய விதிகளை வகுத்து செயல்படுவது என முடிவு செய்யப்பட்டது. இதற்கு மாநிலம் முழுவதும் இயங்கி வரும் முஸ்லிம் மகளிர் உதவும் சங்கங்களின் நிர்வாகிகள் கமாலுதீன், ஹாஜியார் சையத் அஹமத் தெக்ரீப் ஜகான் முகமது வெய்ர், உமைபானு, அப்துல் காதர், அலாவூதீன் உள்ளிட்டோர் நன்றி தெரிவித்து ஆணையருக்கு சால்வை அணிவித்து வாழ்த்து தெரிவித்தனர்.