பிரபல ரவுடி வெட்டி கொலை

சென்னை, அக். 12: சென்னை திருவொற்றியூர் அருகே எர்ணாவூர் சுனாமி குடியிருப்பை சேர்ந்தவர் பிரபு (எ) கிளி பிரபு (35). பிரபல ரவுடி. இவர் மீது பல காவல் நிலையங்களில் கொலை முயற்சி அடிதடி உள்பட பல்வேறு வழக்குகள் நிலுவையில் உள்ளன. நேற்று முன்தினம் இரவு சுனாமி குடியிருப்பின் இருள் சூழ்ந்த பகுதியில் இருந்து உடல் முழுவதும் பலத்த காயங்களுடன் ரத்தம் சொட்ட சொட்ட அலறி துடித்தபடி ஓடிவந்து, மயங்கி விழுந்தார். \உடனடியாக அவரை மீட்டு, மருத்துவமனையில் சேர்த்தனர். அங்கு சிகிச்சை பலனின்றி பிரபு இறந்தார். புகாரின்படி எண்ணூர் இன்ஸ்பெக்டர் சத்யன் வழக்குப்பதிவு செய்து, ரவுடி பிரபுவை அரிவாளால் வெட்டிய கும்பலை வலைவீசி தேடி வருகிறார்.