சேரன்மகாதேவி பேரூராட்சி நிர்வாகத்தை கண்டித்து சர்வ கட்சியினர் ஆர்ப்பாட்டம்

வீரவநல்லூர், அக்.10: சேரன்மகாதேவி பேரூராட்சியில் இருமடங்காக உயர்த்தப்பட்ட சொத்துவரி மற்றும் குடிநீர் வரி உயர்வை கண்டித்து சர்வ கட்சியினர் சார்பில் ஆர்ப்பாட்டம் நடந்தது. திமுக முன்னாள் ஒன்றிய செயலாளர் ஆறுமுகம் தலைமை வகித்தார். ஆர்ப்பாட்டத்தில் அடிப்படை வசதிகள் செய்து தராமல் சொத்துவரியை மட்டும் இருமடங்காக உயர்த்தி பொதுமக்களை வதைக்கும் பேரூராட்சி நிர்வாகத்தை கண்டித்து கோஷங்கள் எழுப்பப்பட்டது. மேலும் சேரன்மகாதேவியில் ரூ.60 லட்சத்தில் கட்டப்பட்டு பல ஆண்டுகளாக செயல்படாமல் இருக்கும் கோழிகுஞ்சு பொறிப்பகம், மலையடிவாரத்தில் குப்பைகளை கொட்டுதல், கன்னடியன் கால்வாயில் சாக்கடை கழிவுகளை கலந்துவிடுதல் உள்ளிட்ட பல்வேறு குறைகளை கண்டித்தும் ஆர்ப்பாட்டத்தில் கோஷங்கள் எழுப்பப்பட்டது.