கோடியக்கரையில் 2,000 மான்கள்

வேதாரண்யம்: நாகப்பட்டினம்  மாவட்டம், வேதாரண்யம் அடுத்த கோடியக்கரை வனவிலங்கு சரணாலயம் 25 சதுர கிலோ  மீட்டர் பரப்பளவில் அமைந்துள்ளது. இங்கு புள்ளிமான், வெளிமான், நரி, குதிரை, முயல், காட்டுப்பன்றி, குரங்கு, காட்டு பூனை உள்ளிட்ட பத்துக்கும் மேற்பட்ட வனவிலங்குகள் உள்ளன. இந்த வனவிலங்குகளை கணக்கெடுக்கும் பணி நேற்று நடைபெற்றது. இதில் 2000க்கும் மேற்பட்ட வெளிமான், புள்ளி மான்களும், 100க்கும் மேற்பட்ட குதிரைகளும், 500க்கும் மேற்பட்ட குரங்குகளும், வனவிலங்கு சரணாலயத்தில் காணப்படுவதாக வனத்துறையினர் தெரிவித்தனர்.