பதான் பாடலுக்கு மாணவிகளுடன் நடனமாடிய பேராசிரியைகள்: காட்சிகளை டிவிட்டரில் பதிவிட்டு நடிகர் ஷாருக்கான் உற்சாகம்

மும்பை: ஷாருக்கான் நடித்த பதான் திரைப்படத்தில் வரும் பாடலுக்கு கல்லூரி மாணவிகளுடன் பேராசிரியர்கள் சேர்ந்து நடனமாடிய வீடியோ வைரலாகியுள்ளது. கடந்த மாதம் 25ம் தேதி வெளியான பதான் திரைப்படம் ரசிகர்கள் மத்தியில் பெரும் வரவேற்பை பெற்றுள்ளது. இந்த திரைப்படம் ஆயிரம் கோடி ரூபாய் வசூலை கடந்துள்ளது. இந்நிலையில் டெல்லி பல்கலை கழகங்களில் மாணவிகள் பதான் திரைப்பட பாடலுக்கு நடனமாடினர்.

மாணவிகளுடன் சேர்ந்து பேராசிரியைகளும் பதான் பாடலுக்கு நடனமாடினர். மாணவிகளுடன் சேர்ந்து பேராசிரியைகள் நடனமாடும் விடியோவை ஷாருக்கான் தனது டிவிட்டர் பக்கத்தில் பகிர்ந்துள்ளார். பாடம் கற்றுத்தரும் ஆசிரியைகள், பேராசிரியைகள் அமைவது மிகவும் அதிஷ்டம் என்றும் அனைவரும் கல்வியின் நட்சத்திரங்கள் என்றும் ஷாருக்கான் கூறியுள்ளார்.