மகாராஷ்டிரா, உத்தரபிரதேசம், ஹரியானாவில் வந்தே பாரத் விரைவு ரயில்கள் தயாரிக்கப்படும்: தெற்கு ரயில்வே அறிவிப்பு

சென்னை: மகாராஷ்டிரா, உத்தரபிரதேசம் மற்றும் ஹரியானாவில், வந்தே பாரத் விரைவு ரயில்கள் தயாரிப்பு தொடங்கப்படும் என தெற்கு ரயில்வே அறிவித்துள்ளது. இது குறித்து தெற்கு ரயில்வே வெளியிட்டுள்ள அறிக்கையில் கூறியிருப்பதாவது: வந்தே பாரத் சேவை கடந்த 2019ம் ஆண்டு தொடங்கப்பட்டது. தற்போது 10 வந்தே பாரத் ரயில்கள் இயக்கப்பட்டு 17 மாநிலங்களில் 108 மாவட்டங்களை இணைக்கின்றன. வந்தே பாரத் ரயில்கள் சென்னை சென்ட்ரல் - மைசூர் டெல்லி - வாரணாசி, நாக்பூர் - பிலாஸ்பூர், ஹவுரா - நியூ ஜல்பைகுரி, செகந்திராபாத் - விசாகப்பட்டினம், சத்ரபதி சிவாஜி டெர்மினஸ் - சோலாப்பூர் உள்ளிட்ட வழித்தடங்களில் இயக்கப்படுகின்றன.

வந்தே பாரத் எக்ஸ்பிரஸ், எண்ணற்ற சிறந்த வசதிகளை வழங்குகிறது, இது பயணிகளுக்கு பயண அனுபவம் மற்றும் மேம்பட்ட அதிநவீன பாதுகாப்பு அம்சங்கள் வழங்குகிறது. மணிக்கு 160 கிமீ வேகத்தில் இயங்கும் ரயில்கள் இயங்கும். மேம்பட்ட அதிநவீன சஸ்பென்ஷன் அமைப்பு பயணிகளுக்கு மென்மையான மற்றும் பாதுகாப்பான பயணத்தையும் உறுதி செய்கிறது. அனைத்து வகுப்புகளிலும் சாய்வு இருக்கைகள் உள்ளன, அதே நேரத்தில் எக்ஸிகியூட்டிவ் கோச்சுகளில் 1800 சுழலும் இருக்கைகள் சேர்க்கப்பட்டுள்ளன.

மாற்றுத்திறனாளிகளுக்கு ஏற்ற கழிவறைகள் மற்றும் பிரெய்லி எழுத்துக்களில் இருக்கை எண்கள் கொண்ட இருக்கை கைப்பிடிகளும் வழங்கப்பட்டுள்ளன. இந்த ரயில்களில் மேம்பட்ட மீளுருவாக்கம் செய்யும், பிரேக்கிங் சிஸ்டம் பயன்படுத்தப்படுகிறது சுமார் 30% மின்சாரம் சேமிக்கப்படுகிறது. தற்போது வந்தே பாரத் ரயில்கள் சென்னையில் உள்ள இன்டக்ரல் கோச் பேக்டரியில் தயாரிக்கப்பட்டு வருகின்றன. இப்போது, ​​இந்த பெட்டிகளின் உற்பத்தியை விரைவுபடுத்த, இந்த ரயில்களின் உற்பத்தி விரைவில் மகாராஷ்டிராவின் லத்தூர், உத்தரபிரதேசத்தின் ரேபரேலி மற்றும் ஹரியானாவின் சோனேபட் ஆகிய இடங்களில் தொடங்கப்படும்.
இவ்வாறு அதில் கூறப்பட்டுள்ளது.