ராணுவ கல்லூரியில் புகுந்த சிறுத்தை

குன்னூர்: நீலகிரி மாவட்டம் குன்னூர் சுற்று வட்டாரப் பகுதிகளில் சமீபகாலமாக சிறுத்தைகளின் எண்ணிக்கை அதிகரித்து காணப்படுகிறது. வெலிங்டன் ராணுவ பயிற்சி கல்லூரியில் முப்படையை சேர்ந்த அதிகாரிகள் பயிற்சி பெற்று வருகின்றனர். இதையொட்டியுள்ள வனப்பகுதியிலிருந்து வெளியேறிய சிறுத்தை, ராணுவ கல்லூரிக்குள் நடமாடுவது குறித்த சிசிடிவி காட்சிகள் வெளியாகி சமூக வலைதளங்களில் வைரலாகியுள்ளன. ராணுவ கல்லூரியின் தகவலையடுத்து வனத்துறையினர் கண்காணிப்பு பணியில் ஈடுபட்டுள்ளனர். ராணுவ கல்லூரிக்குள் சிறுத்தை வந்து சென்ற சம்பவம் குன்னூரில் பரபரப்பை ஏற்படுத்தியுள்ளது.