மாநில கபடி போட்டி திருநயினார்குறிச்சி பெண்கள் அணிக்கு முதல்பரிசு

நாகர்கோவில் :  தூத்துக்குடி மாவட்டம் சாத்தான்குளம் அருகே உள்ள கடாச்சபுரம் பகுதியில் மாநில அளவிலான பெண்கள் கபடி போட்டி நடந்தது. இந்த போட்டில் குமரி மாவட்டத்தை சேர்ந்த திருநயினார்குறிச்சி அணி, தூத்துக்குடி, ராமநாபுரம், நெல்லை, விருதுநகர் மாவட்ட அணிகள் என மொத்தம் 8 அணிகள் கலந்து கொண்டன. இறுதி போட்டியில் திருநயினார்குறிச்சி அணியும், தூத்துக்குடி மாவட்டம் புன்னைகாயல் அணியும் மோதியது.

இந்த போட்டியில் 57-14 என்ற புள்ளி கணக்கில் திருநயினார்குறிச்சி பெண்கள் அணி முதல்பரிசை பெற்றது. முதல் பரிசு பெற்ற திருநயினார்குறிச்சி அணிக்கு ரூ.10 ஆயிரம் ரொக்கமும், வெற்றி கோப்பையும் வழங்கப்பட்டது. மேலும் சிறந்த ஆட்டகாரர்களுக்கான பரிசு திருநயினார்குறிச்சி அணி விராங்கனைகள் ஆன்சி, சந்தியா ஆகியோருக்கு வழங்கப்பட்டது.