சில்லி பாய்ன்ட்...

* வங்கதேச அணியுடனான ஒருநாள் தொடரில் இருந்து வேகப் பந்துவீச்சாளர் ஷமி காயம் காரணமாக விலகியதை அடுத்து, அவருக்கு பதிலாக இந்திய அணியில் உம்ரான் மாலிக் சேர்க்கப்பட்டுள்ளார்.
* பிரேசில் அணி வீரர்கள் கேப்ரியல் ஜீசஸ், அலெக்ஸ் டெல்லஸ் இருவரும் காயம் காரணமாக நடப்பு உலக கோப்பை தொடரில் இருந்து விலகியுள்ளனர்.
* இந்திய பேட்மின்டன் நட்சத்திரம் லக்‌ஷியான் சென் தனது வயதை குறைத்து காட்டி மோசடி செய்ததாக எழுந்த சர்ச்சையில் லக்‌ஷியா, அவரது குடும்பத்தினர் மற்றும் பயிற்சியாளர் விமல் குமார் ஆகியோர் மீது பெங்களூரு போலீசார் எப்ஐஆர் பதிவு செய்துள்ளனர்.
* பெர்த் டெஸ்டில் 498 ரன் எடுத்தால் வெற்றி என்ற இலக்குடன் 2வது இன்னிங்சை விளையாடும் வெஸ்ட் இண்டீஸ், 4ம் நாள் முடிவில் 3 விக்கெட் இழப்புக்கு 192 ரன் எடுத்துள்ளது. ஆஸி. 598/4 மற்றும் 182/2 டிக்ளேர்; வெ. இண்டீஸ் 283 & 192/3.
* கோப்பை அறிமுகம்
இந்தியா - வங்கதேசம் அணிகள் 3 போட்டிகள் கொண்ட ஒருநாள் தொடரில் மோதுகின்றன. இத்தொடருக்கான கோப்பை அறிமுக நிகழ்ச்சி மிர்பூரில் நேற்று நடந்தது. இந்திய அணி கேப்டன் ரோகித் ஷர்மா, வங்கதேச கேப்டன் லிட்டன் தாஸ் இருவரும் கோப்பையுடன் உற்சாகமாக போஸ் கொடுக்கின்றனர். முதல் போட்டி இன்று நடக்கிறது.