தஞ்சாவூர் : தஞ்சை மாவட்டம் திருப்பனந்தாள் அருகே கொள்ளிடம் ஆற்றில் கட்டப்பட்டுள்ள குடிநீர் நீரேற்று நிலையத்தின் தூண் இடிந்து விழுந்ததால் வேளாங்கண்ணி கூட்டு குடிநீர் திட்டப்பணி பாதிக்கப்பட்டுள்ளது. நாகை மாவட்டம் வேளாங்கண்ணி கூட்டு குடிநீர் திட்டத்திற்காக திருப்பனந்தாள் அருகே வாண்டையார் இருப்பு கிராமத்தில் கொள்ளிடம் ஆற்றில் நீரேற்று நிலையம் அமைக்கப்பட்டுள்ளது. இந்த நீரேற்று நிலையத்தின் ஒரு தூண் நேற்று இரவு திடீரென இடிந்து விழுந்தது.
மற்றொரு தூணில் விரிசல் ஏற்பட்டுள்ளது. இதனால், வேளாங்கன்னி கூட்டு குடிநீர் திட்டப்பணி பாதிக்கப்பட்டுள்ளதால் போர்கால அடிப்படையில் பாலத்தை புதிதாக சீரமைக்க வேண்டும் என்ற கோரிக்கை எழுந்துள்ளது. நீரேற்று நிலையத் தூண் இடிந்து விழுந்த போது அதிஷ்டவசமாக பணியாளர்கள் யாரும் அங்கு இல்லை. இல்லையேல் உயிர் சேதம் ஏற்பட்டிருக்கும். 15 ஆண்டுக்கு முன்னரும் இது போன்று வெள்ளப்பெருக்கின் போது பாலம் இடிந்து விழுந்தது நினைவு கூறத்தக்கது.
தஞ்சை அருகே கொள்ளிடம் ஆற்றில் தூண் இடிந்து கூட்டுக் குடிநீர்த் திட்டப்பணி பாதிப்பு: போர்க்கால அடிப்படையில் பாலத்தை சீரமைக்க மக்கள் கோரிக்கை
10:49 am Sep 19, 2022 |
