நியூசி. ஏ ஒருநாள் தொடர் சஞ்சு சாம்சன் தலைமையில் இந்தியா ஏ

புதுடெல்லி: நியூசிலாந்து ஏ அணியுடன் ஒருநாள் போட்டித் தொடரில் மோதவுள்ள இந்தியா ஏ அணியின் கேப்டனாக சஞ்சு சாம்சன் நியமிக்கப்பட்டுள்ளார். இந்தியா ஏ - நியூசிலாந்து ஏ அணிகளிடையே 3 போட்டிகள் கொண்ட ஒருநாள் தொடர் நடைபெற உள்ளது. இந்த போட்டிகள் சென்னை எம்.ஏ.சிதம்பரம் ஸ்டேடியத்தில் செப். 22, 25, 27 தேதிகளில் நடக்க உள்ளன. இந்த தொடருக்கான இந்தியா ஏ அணி நேற்று அறிவிக்கப்பட்டது.

சாம்சன் தலைமையிலான அணியில் மொத்தம் 16 வீரர்கள் இடம் பெற்றுள்ளனர். இளம் ஆல் ரவுண்டர் ராஜ் பவா (19 வயது) சேர்க்கப்பட்டுள்ளார். இந்தியா ஏ: சஞ்சு சாம்சன் (கேப்டன்/கீப்பர்), பிரித்வி ஷா, அபிமன்யு ஈஸ்வரன், ருதுராஜ் கெயிக்வாட், ராகுல் திரிபாதி, ரஜத் பத்திதர், கே.எஸ்.பரத் (கீப்பர்), குல்தீப் யாதவ், ஷாபாஸ் அகமது, ராகுல் சஹார், திலக் வர்மா, குல்தீப் சென், ஷர்துல் தாகூர், உம்ரான் மாலிக், நவ்தீப் சைனி, ராஜ் பவா.