வளர்ச்சி பணிகளில் முனைப்புடன் செயல்பட்டு வரும் கொரடாச்சேரி பேரூராட்சி

நீடாமங்கலம்: கொரடாச்சேரி பேரூராட்சி நிர்வாகம் வளர்ச்சிப் பணிகளில் முனைப்புடன் செயல்பட்டு வருகிறது. திருவாரூர் மாவட்டம் கொரடாச்சேரி முதல்நிலை பேரூராட்சியில் 2021-2022க்கான வளர்ச்சிப் பணிகள் மும்முரமாக நடைபெற்று வருகிறது. கொரடாச்சேரி பேரூராட்சியில் 15 வார்டுகள் உள்ளன. இதில் கொரடாச்சேரி பேரூராட்சி பேரூராட்சி 2வது வார்டு காமராசர் சாலை அவ்வை நகரில் திருவாரூர் சட்டமன்ற உறுப்பினர் பூண்டி கலைவாணன் தொகுதி மேம்பாட்டு நிதியின்கீழ் ரூ.14.65 லட்சம் மதிப்பில் அங்காடி கட்டும் பணி நடைபெற்று வருகிறது.

மேலும் நகர்புற மேம்பாட்டுத் திட்டத்தில் கொரடாச்சேரி பேரூராட்சி பேரூராட்சியில் ரூ.34.10 லட்சம் மதிப்பில் பணிகள் நடைபெற உள்ளது. அதே போன்று நகர்புற வேலை வாய்ப்பு திட்டத்தில் கொரடாச்சேரி பேரூராட்சி பேரூராட்சியில் ரூ.5.75 லட்சத்தில் பணிகள் தொடங்க உள்ளது. அதேபோன்று இங்குள்ள கொரடாச்சேரி பேரூராட்சி 11வது வார்டு காந்தி காலனியிலும் கொரடாச்சேரி பேரூராட்சி 13வது வார்டு தெற்குமாங்குடியில் 15வது நிதிக்குழு மானியத் திட்டத்தில் ரூ.10 லட்சம் மதிப்பில் புதிய பொது சுகாதார வளாகம் கட்டி பராமரிப்பு பணிகள் நடைபெற்று முடிந்துள்ளது. அதேபோன்று கொரடாச்சேரி பேரூராட்சி வடக்கு மாங்குடியில் 15வது நிதிக்குழு மானிய திட்டத்தில் கொரடாச்சேரி பேரூராட்சி பேரூராட்சி 5வது வார்டில் ரூ.10 லட்சம் மதிப்பில் சிறுவர் பூங்கா கட்டும் பணி நடந்து முடிந்துள்ளது.

அதேபோன்று கொரடாச்சேரி பேரூராட்சி 5வது வார்டில் 15வது நிதிக்குழு மானிய திட்டத்தில் கொரடாச்சேரி பேருந்து நிலையத்தில் சைக்கிள் பாதுகாப்பகம் மற்றும் கழிவறை பராமரிப்பு பணி ரூ.15 லட்சம் மதிப்பில் தொடங்க உள்ளது. அதேபோன்று 15வது நிதிக்குழு திட்டத்தில் பேரூராட்சி 13வது வார்டு கம்பன் கொல்லை காலனியில் ரூ.20 லட்சம் மதிப்பில் புதிய பொது சுகாதார வளாகம் கட்டும் பணி தொடங்க உள்ளது.

அதேபோன்று 15வது நிதிக்குழு மானிய திட்டத்தில் பேரூராட்சி இரண்டாவது வார்டு சிவன்கோயில் தெருவில் ரூ.8லட்சம் மதிப்பில் குடிநீர் மேல்தேக்க தொட்டி பராமரிப்பு பணி தொடங்க உள்ளது. கொரடாச்சேரி முதல்நிலை பேரூராட்சி திடக்கழிவு மேலாண் பணியாளர்கள், மகளிர் குழுக்கள், தூய்மைப் பணியாளர்கள் பேரூராட்சி எல்லைப் பகுதிகளில் உள்ள வீடுகளில் வீடு, வீடாக சென்று சேகரிக்கப்பட்ட குப்பைகளை மக்கும் குப்பை மக்காத குப்பை என தரம் பிரித்து திடக்கழிவு மேலாண்மை செய்கின்றனர்.

மேலும் தமிழக அரசின் பிளாஸ்டிக் ஒழிப்பு திட்டத்தின்கீழ் மீண்டும் மஞ்சள் பை என்ற மகத்தான திட்டத்தை முனைப்புடன் அமல்படுத்தும் வகையில் பேரூராட்சி பகுதிகளில் பிளாஸ்டிக் பை விற்பனையை முனைப்புடன் தடுக்கும் பணிகள் பணியாளர்கள் ஈடுபட்டு வருகின்றனர். மேலும் கொரடாச்சேரி முதல்நிலை பேரூராட்சி பகுதிகளில் உள்ள 15 வார்டுகளிலும் அடிப்படை வசதியோடு பல்வேறு நலத் திட்டப்பணிகள் தொடங்கப்பட உள்ளது.

கொரடாச்சேரி பேரூராட்சி மாவட்டத்தில் முதன்மை பேரூராட்சியாக கொண்டுவர பேரூராட்சி செயல்அலுவலர் நாராயணமூர்த்தி, பேரூராட்சி தலைவர் கலைச்செல்வி செல்வகுமார், துணைத் தலைவர் தளபதி மற்றும் அலுவலர்கள், தூய்மை பணி மேற்பார்வையாளர், துப்புரவு பணியாளர்கள் ஒற்றுமையோடு முனைப்புடன் செயல்பட்டு வருகின்றனர். பேரூராட்சி பகுதிகளில் நடைபெறும் பணிகளை அப்பகுதி மக்கள் பாராட்டி வருகின்றனர்.