அதிமுக வழக்கறிஞர் திருமாறன் நீக்கம்: எடப்பாடி அறிவிப்பு

சென்னை: அதிமுக இடைக்கால பொதுச்செயலாளர் எடப்பாடி பழனிசாமி நேற்று வெளியிட்டுள்ள அறிக்கை: அதிமுகவின் கொள்கைகளுக்கும், குறிக்கோள்களுக்கும், கோட்பாடுகளுக்கும் எதிராக செயல்பட்ட காரணத்தினால், சி.திருமாறன் (அதிமுக வழக்கறிஞர் பிரிவு இணை செயலாளர்) இன்று முதல் அதிமுகவின் அடிப்படை உறுப்பினர் பொறுப்பு உட்பட அனைத்து பொறுப்புகளில் இருந்தும் நீக்கி வைக்கப்படுகிறார். கட்சி தொண்டர்கள் யாரும் இவருடன் தொடர்பு வைத்துக் கொள்ள கூடாது. இவ்வாறு அவர் கூறியுள்ளார்