×

சூர்யாவுக்கு ஜோடியாகிறார் பூஜா ஹெக்டே

சென்னை: சூர்யாவுக்கு ஜோடியாக பூஜா ஹெக்டே நடிக்க உள்ளார். விக்ரம், ராக்கெட்ரி படங்களில் கவுரவ வேடங்களில் நடித்த சூர்யா, இப்போது பாலா இயக்கும் பெயரிடப்படாத படத்தில் நடித்து வருகிறார். இதையடுத்து த.செ.ஞானவேல் இயக்கும் படத்தில் நடிக்க உள்ளார். வெற்றிமாறன் இயக்கும் வாடிவாசல் படமும் அவரிடம் இருக்கிறது. இதற்கிடையில் சிறுத்தை சிவா இயக்கும் படத்தில் நடிக்க ஏற்கனவே சம்மதம் தெரிவித்திருந்தார் சூர்யா. வாடிவாசல் படத்தில் நடிப்பதற்கு முன்பாக சிறுத்தை சிவா படத்தில் அவர் நடிப்பார் என கூறப்படுகிறது. இந்நிலையில் இந்த படத்தில் சூர்யாவுக்கு ஜோடியாக பூஜா ஹெக்டே நடிக்க உள்ளாராம். பீஸ்ட் படத்தில் விஜய் ஜோடியாக நடித்த பூஜா ஹெக்டே, இந்தியில் ரன்வீர் சிங்குடன் சர்க்கஸ், சல்மான் கான் ஜோடியாக கபி ஈத் கபி தீவாலி, அக்‌ஷய்குமாருடன் ஒரு படம் என நடித்து வருகிறார். இந்த படங்களில் நடித்தபடி, சூர்யாவுக்கு ஜோடியாகவும் நடிக்க அவர் சம்மதம் தெரிவித்துள்ளாராம்.

Tags : Pooja Hegde ,Suriya , Pooja Hegde is paired opposite Suriya
× RELATED சமந்தா வாய்ப்பை பறித்தார் பூஜா ஹெக்டே