மலேசியா ஓபன் பேட்மின்டன்; காலிறுதியில் வீழ்ந்தார் சிந்து

கோலாலம்பூர்: மலேசியா ஓபன் சூப்பர் 750 பேட்மின்டன் தொடரின் மகளிர் ஒற்றையர் பிரிவு காலிறுதியில், இந்திய நட்சத்திரம் பி.வி.சிந்து போராடி தோற்றார். காலிறுதியில் சீன தைபே வீராங்கனை டாய் ட்ஸூ யிங்குடன் நேற்று மோதிய சிந்து (7வது ரேங்க்) 21-13 என்ற கணக்கில் முதல் செட்டை கைப்பற்றி முன்னிலை பெற்றார்.

எனினும், அடுத்த 2 செட்களிலும் அதிரடியாக விளையாடி புள்ளிகளைக் குவித்த டாய் ட்ஸூ யிங் (2வது ரேங்க்) 13-21, 21-15, 21-13 என்ற செட் கணக்கில் வென்று அரையிறுதிக்கு முன்னேற, சிந்து ஏமாற்றத்துடன் வெளியேறினார். டாய் ட்ஸூ டோக்கியோ ஒலிம்பிக்சில் வெள்ளிப் பதக்கம் வென்றவர். சிந்துவுடன் 21 முறை மோதியுள்ள டாய் ட்ஸூ 16 வெற்றிகளை வசப்படுத்தி ஆதிக்கம் செலுத்தி வருவது குறிப்பிடத்தக்கது.