×

விம்பிள்டன் டென்னிஸ்; 2வது சுற்றில் ஸ்வியாடெக்

லண்டன்: விம்பிள்டன் கிராண்ட் ஸ்லாம் டென்னிஸ் தொடரின் மகளிர் ஒற்றையர் பிரிவு 2வது சுற்றில் விளையாட, நம்பர் 1 வீராங்கனை இகா ஸ்வியாடெக் தகுதி பெற்றார். முதல் சுற்றில் குரோஷியாவின் ஜானா ஃபெட்டுடன் (25 வயது, 252வது ரேங்க்) நேற்று மோதிய ஸ்வியாடெக் (21 வயது, போலந்து), அதிரடியாக 6-0 என்ற கணக்கில் முதல் செட்டை கைப்பற்றி முன்னிலை பெற்றார். அதே வேகத்துடன் 2வது செட்டிலும் புள்ளிகளைக் குவித்த அவர் 6-0, 6-3 என்ற நேர் செட்களில் வெற்றியை வசப்படுத்தி 2வது சுற்றுக்கு முன்னேறினார். இப்போட்டி 1 மணி, 15 நிமிடத்தில் முடிவுக்கு வந்தது.

மற்றொரு முதல் சுற்றில் மரியா சாக்கரி (கிரீஸ்) 6-1, 6-4 என்ற நேர் செட்களில்  ஆஸ்திரேலியாவின் ஸோ ஹைவ்சை வீழ்த்தினார். முன்னணி வீராங்கனைகள் அமெண்டா அனிசிமோவா (அமெரிக்கா), பவுலா படோசா (ஸ்பெயின்), அஜ்லா டாம்ஜானோவிச் (ஆஸி.), ஜெலனா ஓஸ்டபென்கோ (லாட்வியா), ஷுவாய் ஸாங் (சீனா), ஆலிஸ் கார்னெட் (பிரான்ஸ்) ஆகியோர் 2வது சுற்றுக்கு முன்னேறிய நிலையில், சுவிட்சர்லாந்தின் பெலிண்டா பென்சிக், ஜில் தெய்க்மன் அதிர்ச்சி தோல்வியடைந்தனர்.

Tags : Wimbledon ,SwiTech , Wimbledon tennis; SwiTech in the 2nd round
× RELATED விம்பிள்டன் இறுதிப்போட்டியில்...