×

அரசு வாகனம் தவிர மற்ற வாகனங்களில் 'G'அல்லது 'அ'என்ற எழுத்துக்களை பயன்படுத்தினால் கடும் நடவடிக்கை எடுக்கப்படும்: போக்குவரத்து ஆணையர் எச்சரிக்கை

சென்னை: அரசு வாகனம் அல்லாத வாகனங்களில் G அல்லது அ என்ற எழுத்துக்களை பயன்படுத்துவோர் மீது கடும் நடவடிக்கை எடுக்கப்படும் என்று போக்குவரத்து ஆணையர் எச்சரிக்கை விடுத்துள்ளார். இதுகுறித்து வெளியிடப்பட்டுள்ள செய்தி குறிப்பில், அரசு வாகனம் அல்லாத வாகனங்களில் தற்பொழுது தமிழகமெங்கும் பதிவெண் பலகையில் (Number Plate) G அல்லது அ என்ற  எழத்துக்கள் எழுதப்பட்டோ அல்லது  Sticker ஒட்டப்பட்டோ  மோட்டார் வாகன சட்டத்திற்கு புறம்பாக பயன்படுத்தப்படுவதாக புகார்கள் வந்த வண்ணம் உள்ளது. தமிழ்நாடு  மோட்டார் வாகன சட்டம் 3 உட்பிரிவு (K) -ன் படி அரசு வாகனம் என்றால் தமிழக அரசின் வாகனங்கள் மட்டுமே. அரசு வாகனங்களுக்கு வரி விலக்கு மற்றும் காப்பு சான்று விலக்கு உள்ளது.

எனவே உரிய வரி விலக்கு மற்றும் காப்பு சான்று விலக்கு பெற்ற  தமிழக அரசின் வாகனங்களில் மட்டுமே G அல்லது அ என்ற  எழுத்துக்கள்  பயன்படுத்தப்பட வேண்டும். எனவே, தமிழ்நாடு அரசு வாகனங்களை தவிர மற்ற அரசுடைமையாக்கப்பட்ட நிறுவனங்கள், வாரியங்கள் மற்றும் பொதுத்துறை நிறுவனங்களின் வாகனங்களில் G அல்லது அ என்ற  எழுத்துக்களை பயன்படுத்துவோர் மீது  மோட்டார் வாகன சட்டத்தின்  கீழ் நடவடிக்கை மேற்கொள்ளப்படும் என இதன் மூலம் தெரிவிக்கப்படுகிறது என்று குறிப்பிடப்பட்டுள்ளது.


Tags : Transport Commission , Government Vehicle, letter G or A, Commissioner of Transport
× RELATED அரசு வாகனம் தவிர மற்ற வாகனங்களில் ‘G’...