சென்னை: சென்னை மதுரவாயல் மார்க்க சகாய ஈஸ்வரர் திருக்கோயில், சென்னை திருமங்கலம் திருமங்கலீஸ்வரர் திருக்கோயில் உள்ளிட்ட கோயில்களில் பி.கே.சேகர்பாபு நேற்று ஆய்வு நடத்தினார். இந்த ஆய்வுக்கு பின்பு அமைச்சர் சேகர் பாபு நிருபர்களிடம் கூறியதாவது:இக்கோயில் சுமார் கி.பி 12ம் நூற்றாண்டை சேர்ந்தது. இக்கோயிலை சுற்றி 12ம் நூற்றாண்டு கல்வெட்டு உள்ளது, கருவறை கருங்கற்கள் பிரித்து கட்டுதல் மற்றும் இதர சன்னதிகள் மராமத்து செய்தல் போன்ற பணிகளை மேற்கொள்ள ₹25,53,810 நிதி வழங்கப்பட்டுள்ளது.
கோயிலின் கொடி மரத்தினை பராமரிப்பு செய்யும் திருப்பணிக்காக உபயதாரர் மூலம் ₹8,60,000 நிதி வழங்கப்பட்டுள்ளது. திருப்பணிகள் நிறைவு பெற்று ஜூன் 24ம் தேதியில் குடமுழுக்கு நடைபெறும். திருமங்கலம் திருமங்கலீஸ்வரர் கோயிலில் ஆய்வு செய்யப்பட்டது. இத்திருக்கோயிலில் வழக்கு நடந்து கொண்டிருப்பதால், வழக்கினை விரைவில் முடிக்க அலுவலர்களுக்கு அறிவுரை வழங்கப்பட்டுள்ளது.
மார்க்கசகாய ஈஸ்வரர் கோயிலில் ஜூன் 24ல் மகா கும்பாபிஷேகம்.: அமைச்சர் பி.கே.சேகர்பாபு தகவல்
01:25 am Mar 29, 2022 |
