அடுத்த 3 ஆண்டுகளில் சுங்க கட்டண வருவாய் ஆண்டுக்கு ரூ.1.40 லட்சம் கோடியாக உயரும்: ஒன்றிய அமைச்சர் நிதின் கட்கரி பேச்சு

டெல்லி: சுங்க கட்டண வருவாய் அடுத்த மூன்று ஆண்டுகளில் ஆண்டிற்கு 1 லட்சத்து 46 ஆயிரம் கோடியாக உயரும் என ஒன்றிய நெடுஞ்சாலைத்துறை அமைச்சர் நிதின் கட்கரி தெரிவித்துள்ளார். டெல்லியில் நிகழ்ச்சி ஒன்றில் பேசிய ஒன்றிய அமைச்சர் நிதின் கட்கரி, இந்திய தேசிய நெடுஞ்சாலை ஆணையத்திற்கு தற்போது சுங்க கட்டணம் மூலம் ஆண்டுக்‍கு 40 ஆயிரம் கோடி ரூபாய் வருவாய் கிடைத்து வருவதாக தெரிவித்தார். நாட்டில் போக்குவரத்து அடர்த்தி ஆண்டுதோறும் அதிகரித்து வருவதால் உள்கட்டமைப்பு திட்டங்களில் முதலீட்டாளர்களுக்கான வாய்ப்பு அதிகமாக உள்ளதாக கூறினார். மேலும் அடுத்த 3 முதல் 5 ஆண்டுகளில் சுங்க கட்டண வருவாய் ஆண்டிற்கு 1 லட்சத்து 46 ஆயிரம் கோடியாக உயரும் என்றும் நிதின் கட்கரி குறிப்பிட்டார்.

சாலை கட்டுமான திட்டங்களில் குழுக்கள் விரைந்து முடிவு எடுக்க வேண்டும். இல்லாவிட்டால், செலவு அதிகரித்து விடும். இதனிடையே  5 ஆண்டுகளில் ஃபாஸ்டேக் வசூல் ரூ.1,18,881 கோடியாக உள்ளது. ஃபாஸ்டேக் திட்டம் தொடங்கப்பட்ட 2016 - 17ம் நிதியாண்டில் நாட்டின் ஒட்டுமொத்த சுங்க வசூல் 17,942 கோடியாக இருந்தது. 2017 - 18ம் நிதியாண்டில் 21,948 கோடி ரூபாயாகவும், 2018 - 19ம் நிதியாண்டில் 24,396 கோடியாக  ஃபாஸ்டேக் வசூல் இருந்துள்ளது. இதேபோல், 2019 - 20ம் நிதியாண்டில் 26,850 கோடி ரூபாயாகவும், நடப்பு நிதியாண்டில் 27,744 கோடி ரூபாயாகவும் ஃபாஸ்டேக் கட்டணம் வசூலிக்கப்பட்டிருப்பது குறிப்பிடத்தக்கது.

Related Stories: