புதுச்சேரியில் நாளை முதல் ஆரம்ப, நடுநிலை பள்ளிகள் திறப்பு

புதுச்சேரி: தமிழகம், புதுச்சேரியில் கொரோனா தொற்று காரணமாக பள்ளி, கல்லூரிகள் கடந்த மார்ச் முதல் மூடப்பட்டன. கடந்த செப்டம்பர் மாதம் 9 முதல் பிளஸ் 2 வரையிலான வகுப்புகள் மட்டும் திறக்கப்பட்டன. தமிழகத்தில் 1 முதல் 8 வரையிலான வகுப்புகள் கடந்த 1ம் தேதி முதல் திறக்கப்பட்டு விட்டன. புதுச்சேரியில் 1 முதல் 8ம் வகுப்பு வரையிலான மாணவர்களுக்கு நாளை (8ம் தேதி) முதல் பள்ளிகள் திறக்கப்பட உள்ளது. இதையடுத்து பள்ளி நிர்வாகங்கள் கடைபிடிக்க வேண்டிய கோவிட் வழிகாட்டி நெறிமுறைகள் வெளியிடப் பட்டுள்ளது. இதையடுத்து பள்ளிகளை சுத்தம் செய்யும் பணி நடந்து வருகிறது.