ஊத்துக்கோட்டை: போந்தவாக்கம் கிராமத்தில் நடைபெற்ற சமுதாய வளைகாப்பு விழாவில் டி.ஜெ.கோவிந்தராஜன் எம்எல்ஏ பங்கேற்றார். ஊத்துக்கோட்டை அருகே பூண்டி கிழக்கு ஒன்றியம் போந்தவாக்கம் கிராமத்தில் சமூக நலன் மற்றும் மகளிர் உரிமைத்துறை ஒருங்கிணைந்த குழந்தை வளர்ச்சி திட்டத்தின் சார்பில், கர்ப்பிணி பெண்களுக்கான சமூதாய வளைகாப்பு விழா நடைபெற்றது. இதில், திட்ட அலுவலர் ராஜேஸ்வரி தலைமை தாங்கினார். பூண்டி கிழக்கு ஒன்றிய செயலாளர் டி.கே.சந்திரசேகர் வரவேற்றார். தலைமை செயற்குழு உறுப்பினர் பி.ஜெ.மூர்த்தி, எல்லாபுரம் தெற்கு ஒன்றிய செயலாளர் ஆ.சத்தியவேலு, பூண்டி ஒன்றிய குழு துணை தலைவர் மகாலட்சுமி மோதிலால், கச்சூர் வட்டார மருத்துவர் பாலமணிகண்டன் ஆகியோர் முன்னிலை வகித்தனர்.