தலிபான் தலைவர்களில் ஒருவர் இந்திய ராணுவத்திடம் பயிற்சி பெற்றவர்: ஆப்கான் ராணுவ வீரராக 1982-ல் இந்தியாவில் பயிற்சி பெற்ற ஷேர் முகமது அப்பாஸ்

காபூல்: தலிபான்களில் முக்கிய தலைவர்களுள் ஒருவராக கருதப்படும் ஷேர் முகமது அப்பாஸ் இந்திய ராணுவத்துடன் பயிற்சி பெற்றவர் என்பது தெரிய வந்தது. 1971-ம் ஆண்டு முதல் இந்திய ராணுவ அகாடமி ஆப்கானிஸ்தான் ராணுவ வீரர்களுக்கு பயிச்சி அளித்து வருகிறது. அதன்படி 1982-ம் ஆண்டு டேராடூனில் ஆப்கான் ராணுவத்தில் இருந்து பயிற்சிக்கு சேர்ந்தவர் ஷேர் முகமது அப்பாஸ். இங்கு ராணுவம் சார்ந்த அனைத்து பயிற்சிகளையும் பெற்று நாடு திரும்பிய ஷேர் முகமது 1996-ம் ஆண்டு ராணுவத்தில் இருந்து விலகு தலிபான்களிடம் சேர்ந்துவிட்டார். அவரது ஆங்கில பேச்சு திறமையால் 1997-ம் ஆண்டு தலிபான்கள் ஆட்சியில் வெளியுறவுத்துறை அமைச்சராக நியமிக்கப்பட்டார்.

1996-ம் ஆண்டு, தலிபான் அரசை அங்கீகரிக்க வேண்டும் என அமெரிக்காவுக்கு பயணம் செய்தார். இருப்பினும், அது தோல்வியில் முடிவடைந்தது. ஸ்டானிக்ஜாய் தலைமையில்தான் தலிபான் குழு சீனாவுக்கு சென்று பேச்சுவார்த்தை நடத்தியதாகவும் கூறப்படுகிறது. தற்போது தலிபான்களின் சக்திவாய்ந்த 7 தலைவர்களில் ஒருவராக ஷேர் முகமது அப்பாஸ் கருதப்படுகிறார்.