எப்போதும் நம்பர் ஒன் பும்ரா: கே.எல்.ராகுல் பேட்டி

நாட்டிங்காம்: நியூசிலாந்துக்கு எதிரான டெஸ்ட் சாம்பியன் ஷிப் பைனலில் இந்தியா தோல்வி அடைந்தது. இதில் இந்திய முன்னணி பவுலரான பும்ராவின் பந்துவீச்சு எடுபடவில்லை. இந்நிலையில் இங்கிலாந்துக்கு எதிராக முதல் டெஸ்ட்டில் முதல் இன்னிங்சில் 4, 2வது இன்னிங்சில் 5 விக்கெட்டை பும்ரா கைப்பற்றினார். இதனால் அவர் தனது பழைய பார்முக்கு திரும்பிவிட்டதாக பேசப்பட்டது.

இதுபற்றி இந்திய தொடக்க வீரர் கே.எல்.ராகுல் கூறியதாவது: பும்ரா பழைய பார்ம்முக்கு திரும்பிவிட்டார் என்று ஏன் சொல்கிறார்கள் என தெரியவில்லை. ஒவ்வொரு முறையும், ஒவ்வொரு ஆட்டத்திலும், அவர் தன்னை நிரூபித்துள்ளார். அவர் எங்கள் நம்பர் ஒன் பந்துவீச்சாளர். அவர் எங்கெல்லாம் விளையாடினாரோ, அங்கு எங்களுக்கு ஒரு வெற்றியாளராக இருந்தார் என்றார்.