தஞ்சை உள்பட 4 ரயில்கள் ரத்து

சென்னை: போதிய வரவேற்பு இல்லாததால் சென்னையில் இருந்து தஞ்சை ெசல்லும் ரயில் உள்பட 4 சிறப்பு ரயில்கள் தற்காலிகமாக ரத்து செய்யப்படுவதாக தெற்கு ரயில்வே அறிவித்துள்ளது. இது குறித்து ரயில்வே வெளியிடப்பட்ட அறிக்கை: போதிய வரவேற்பு இல்லாத காரணத்தால் சென்னை எழும்பூர் - தஞ்சாவூர் (06865, 06866) இடையே தினம் தோறும்  இயக்கப்பட்டுவந்த சிறப்பு ரயில் வரும் 31ம் தேதி வரை தற்காலிகமாக ரத்து செய்யப்படுகிறது. அதேபோல் திருச்சிராப்பள்ளி - ராமேஸ்வரம் (06849, 06850), நாகர்கோவில் - கோவை (02667, 02668), லோக்மான்யா திலக் டெர்மினஸ் - கொச்சுவெலி (06163, 06164) ஆகிய சிறப்பு ரயில்களும் வரும் 31ம் தேதி வரை தற்காலிகமாக ரத்து செய்யப்படுகிறது. இவ்வாறு அறிக்கையில் கூறப்பட்டுள்ளது.