16 சட்டமன்ற தொகுதிகளுக்கான வாக்கு எண்ணிக்கையில் பங்கேற்கும் முகவர்களுக்கு கொரோனா பரிசோதனை: தேர்தல் ஆணையம் அறிவுறுத்தல்

சென்னை: தமிழகத்தில் நடந்து முடிந்த சட்டமன்ற தேர்தலுக்கான வாக்கு எண்ணிக்கை வரும் 2ம் தேதி நடைபெறவுள்ளது. கொரோனா தொற்று பரவல் காரணத்தால் வாக்கு எண்ணிக்கையில் பங்கேற்கும் முகவர்களுக்கு கொரோனா பரிசோதனை செய்ய தேர்தல் ஆணையம் அறிவுறுத்தியுள்ளது. அதன்படி சென்னையில் உள்ள 16 சட்டமன்ற  தொகுதிகளுக்கான வாக்கு எண்ணிக்கையில் பங்கேற்க உள்ள முகவர்களுக்கு கொரோனா பரிசோதனை செய்ய சிறப்பு முகாம்கள் நேற்று நடைபெற்றது. இதையடுத்து அந்தந்த தொகுதிகளுக்கு உட்பட்ட பகுதிகளில் உள்ள முகாம்களில் முகவர்கள் நேற்று பங்கேற்று பரிசோதனை செய்துக்கொண்டனர்.  பரிசோதனை முடிவில் கொரோனா தொற்று உறுதியானால் குறிப்பிட்ட முகவருக்கு பதில் மாற்று நபர் வாக்கு எண்ணிக்கையில் பங்கேற்க அனுமதிக்கப்படுவர் என மாவட்ட தேர்தல் அதிகாரி பிரகாஷ் தெரிவித்துள்ளார்.

மேலும் நேற்றைய முகாமில் பரிசோதனை செய்ய தவறியவர்கள், இன்று கட்டாயம் பரிசோதனை செய்து கொள்ள வேண்டும் என்று தெரிவிக்கப்பட்டுள்ளது. மேலும், கொரோனா பரிசோதனை செய்யாதவர்கள் தடுப்பூசி செலுத்திக் கொண்டதற்கான சான்று வைத்திருந்தால்  அனுமதிக்கப்படுவார்கள்? என்று தேர்தல் ஆணையம் தெரிவித்துள்ளது.

Related Stories:

>