×

மயாமி ஓபன் டென்னிஸ் முகுருசா முன்னேற்றம்

மயாமி: அமெரிக்காவில் நடைபெறும் மயாமி ஓபன் டென்னிஸ் தொடரின் மகளிர் ஒற்றையர் பிரிவு 4வது சுற்றில் விளையாட, ஸ்பெயின் வீராங்கனை கார்பினி முகுருசா தகுதி பெற்றார். மூன்றாவது சுற்றில் ரஷ்யாவின் அன்னா களின்ஸ்கயாவுடன் நேற்று மோதிய முகுருசா 4-6, 6-3, 6-4 என்ற செட் கணக்கில் 2 மணி, 41 நிமிடம் போராடி வென்று கால் இறுதிக்கு முந்தைய சுற்றுக்கு முன்னேறினார். மற்றொரு 3வது சுற்றில் களமிறங்கிய கரோலினா பிளிஸ்கோவா (செக்., 6வது ரேங்க்) 1-6, 6-4, 4-6 என்ற செட் கணக்கில் அமெரிக்காவின் ஜெஸ்ஸிகா பெகுலாவிடம் (29வது ரேங்க்) அதிர்ச்சி தோல்வியடைந்தார். முன்னணி வீராங்கனைகள் நவோமி ஒசாகா (ஜப்பான்), பியான்கா ஆண்ட்ரீஸ்கு (கனடா), எலிஸ் மெர்டன்ஸ் (பெல்ஜியம்), மரியா சக்கரி (கிரீஸ்) ஆகியோரும் 4வது சுற்றுக்கு முன்னேறி உள்ளனர்.

Tags : Miami Open Tennis Muguruza , Progress at the Miami Open Tennis Muguruza
× RELATED 12 ரன் வித்தியாசத்தில் டெல்லியை...