சதீஷ் தவான் விண்வெளி மையத்தில் இருந்து பிப்ரவரி 28ல் விண்ணில் ஏவப்படுகிறது பி.எஸ்.எல்.வி சி-51

ஸ்ரீஹரிகோட்டா: ஆந்திராவின் சதீஷ் தவான் விண்வெளி மையத்தில் இருந்து பிப்ரவரி 28ல் பி.எஸ்.எல்.வி சி-51 ராக்கெட் விண்ணில் ஏவப்படுகிறது. அமேசானியா 1 மற்றும் 20 செயற்கைக்கோள்களுடன் பி.எஸ்.எல்.வி சி-51 ராக்கெட் விண்ணில் ஏவப்படுகிறது.

இந்திய விண்வெளி வரலாற்றில் முதல்முறையாக தனியார் துறையினர் வடிவமைத்த செயற்கைக்கோள்கள் விண்ணில் ஏவப்பட இருக்கின்றன. இதன் மூலம் பல தனியார் செயற்கைக்கோள்கள் நாட்டின் சேவைகளுக்காக விண்ணில் அனுப்பப்பட உள்ளன.

விண்வெளித்துறையில் தனியார் பங்களிப்பை ஊக்குவிக்கும் வகையில், தனியார்துறையினர் வடிவமைத்த ஆனந்த் என்ற பூமி கண்காணிப்பு செயற்கைக்கோள், சாடிஷ் சாட் மற்றும் பல்கலைக்கழகங்களின் கூட்டமைப்பால் உருவாக்கப்பட்ட யுனிட் சாட் ஆகிய 3 செயற்கைக்கோள்கள் பி.எஸ்.எல்.வி. சி-51 ராக்கெட் மூலம் விண்ணில் ஏவப்பட இருக்கின்றன. இவற்றுடன் முதன்மை செயற்கைக்கோளாக, பிரேசில் நாட்டுக்குச் சொந்தமான, அமேசானியா 1 என்ற பூமி கண்காணிப்பு செயற்கைக்கோள் அனுப்பப்படுகிறது.

நிலவின் தென்துருவத்தை ஆராய்வதற்காக வடிவமைக்கப்பட்ட சந்திரயான்-3 செயற்கைக்கோளுடன் தலா ஒரு லேண்டர் மற்றும் ரோவர் ஆகியவற்றுடன் உந்துவிசை கருவியும் சேர்த்து விண்ணுக்கு அனுப்பப்பட இருக்கிறது. இந்தத் திட்டத்துக்கு மத்திய அரசிடம் இருந்து முறையான அனுமதி கிடைத்துள்ளது.

மனிதர்களை விண்ணுக்கு அனுப்பும் ககன்யான் திட்டத்துக்கான பெரும்பாலான வடிவமைப்புப் பணிகள் முடிந்துவிட்டன. இதுதொடர்பாக நடப்பாண்டு பலவிதமான சோதனைகள் நடத்தப்பட இருக்கின்றன.

இந்த ஆண்டு 25-க்கும் மேற்பட்ட திட்டங்களை செயல்படுத்த திட்டமிடப்பட்டு உள்ளது. அத்துடன் 2022-ம் ஆண்டு இறுதிக்குள் பூமி கண்காணிப்புக்கான 30 சிறிய செயற்கைக்கோள்களை விண்ணில் ஏவவும் முடிவு செய்யப்பட்டுள்ளது.

Related Stories:

>