மூன்று
விதமான போட்டிகளுக்கும் இந்திய வீரர்களே கேப்டனாக தேர்வு
செய்யப்பட்டுள்ளனர். டி 20, ஒரு நாள் போட்டிகளில் டோனி கேப்டனாக தேர்வு
செய்யப்பட்டுள்ளார். மேலும் டெஸ்ட் போட்டி கோலி கேப்படனாக தேர்வு
செய்யப்பட்டுள்ளார். ஐசிசி கனவு அணியில் மூன்று விதமான போட்டிகளிலும்
இடம்பெற்றுள்ள ஒரே வீரர் கோலி என்பது குறிப்பிடத்தக்கது.
ஐசிசியின் ஒரு நாள் போட்டிகளுக்கான கனவு அணி:
ஒரு நாள் போட்டிகளில் கடந்த 10 ஆண்டுக்கான சிறந்த அணியில் இந்திய வீரர்கள் 3 பேர் இடம் பெற்றுள்ளனர். டோனி (கேப்டன்) , விராட் கோலி, ரோஹித் சர்மா ஆகியோர் இடம் பெற்றுள்ளனர். ரோஹித் சர்மா, வார்னர், கோலி, டிவில்லியர்ஸ், ஷாகிப் உல் ஹசன், டோனி (கேப்டன்), ஸ்டோக்ஸ், ஸ்டார்க், பெல்ட், இம்ரான் தாஹிர், மலிங்கா இடம் பெற்றுள்ளனர்.
ஐசிசியின் ஒரு நாள் போட்டிகளுக்கான மகளிர் கனவு அணி:
ஐசிசியின் ஒரு நாள் போட்டிகளுக்கான மகளிர் கனவு அணியில் 2 இந்திய வீரர்கள், 3 ஆஸ்திரேலியா வீரர்கள், 2 தென்னாபிரிக்கா வீரர்கள், 2 மேற்கிந்திய தீவு வீரர்கள், இங்கிலாந்து, நியூஸிலாந்து அணிகளை சேர்ந்த தலா ஒருவர் இடம்பெற்றுள்ளனர். மிதாலி ராஜ், ஜூலன் கோசாமி இடம்பெற்றுள்ளனர். மகளிர் டி20யில் கடந்த 10 ஆண்டுக்கான சிறந்த அணியில் 2 பேர் இடம்பிடித்துள்ளனர். இந்திய வீரர்கள் ஹர்மன்பிரீத் கவுர், பூனம் யாதவ் இடம் பிடித்துள்ளனர்.
ஐசிசியின் டெஸ்ட் போட்டிகளின் கனவு அணிக்கு கோலி கேப்டன்:
ஐசிசியின் டெஸ்ட் போட்டிகளுக்கான கனவு அணியில் 2 இந்திய வீரர்கள், 2 ஆஸ்திரேலியா வீரர்கள், 4 இங்கிலாந்து வீரர்கள், தென்னாபிரிக்கா, நியூஸிலாந்து இலங்கை அணிகளை சேர்ந்த தலா ஒருவர் இடம்பெற்றுள்ளனர். இந்தியாவை சேர்ந்த விராட் கோலி (கேப்டன் ) மற்றும் அஸ்வின் இடம்பெற்றுள்ளனர். அலெஸ்டர் கூக், வார்னர், வில்லியம்சன், கோலி (கேப்டன் ), ஸிமித், சங்ககாரா, ஸ்டோக்ஸ், அஸ்வின், டேல் ஸ்டெய்ன், பெல்ட், ஆண்டர்சன் இடம் பெற்றுள்ளனர்.
