சென்னை: சென்னை தென்மேற்கு மாவட்டம், மாவட்ட துணை அமைப்பாளர்கள் மற்றும் பகுதி துணை அமைப்பாளர்கள் நியமிக்கப்பட்டுள்ளதாக திமுக இளைஞர் அணி செயலாளர் உதயநிதி ஸ்டாலின் அறிவித்துள்ளார். இதுகுறித்து அவர் வெளியிட்டுள்ள அறிக்கை: திமுக ஒப்புதலோடு சென்னை தென்மேற்கு மாவட்ட இளைஞர் அணி துணை அமைப்பாளர்கள் மற்றும் மயிலாப்பூர் கிழக்கு-மேற்கு பகுதி துணை அமைப்பாளர்கள் நியமிக்கப்பட்டுள்ளனர். அதில், மாவட்ட துணை அமைப்பாளர்களாக செல்வகுமார்-அசோக் நகர், சீனிவாசன்-வடபழனி, இளஞ்செழியன்-மயிலாப்பூர் ஆகியோர் நியமனம் செய்யப்பட்டுள்ளனர். மேலும், பகுதி துணை அமைப்பாளர்களாக மயிலாப்பூர் கிழக்கு பகுதிக்கு ராஜ்குமார், மயிலாப்பூர் மேற்கு பகுதிக்கு பாலாஜி ஆகியோர் நியமனம் செய்யப்பட்டுள்ளனர். ஏற்கனவே நியமிக்கப்பட்டுள்ள இளைஞர் அணி நிர்வாகிகளுடன் இவர்கள் இணைந்து பணியாற்றுவார்கள். இவ்வாறு கூறியுள்ளார்.
திமுக இளைஞர் அணியில் மாவட்ட, பகுதி துணை அமைப்பாளர்கள் நியமனம்: உதயநிதி ஸ்டாலின் அறிவிப்பு
01:02 am Dec 16, 2020 |
